Como alimentarnos segundo a nosa idade / Madurez: 40 a 60 anos

A nutrición na idade adulta débese enfocar a manter a saúde e a previr o desenvolvemento de enfermidades, mediante o seguimento dunha alimentación variada, sa e equilibrada de acordo á idade, sexo e actividade física da persoa. Os hábitos alimentarios saudables débense combinar cuns hábitos de vida propicios que inclúan a práctica regular de exercicio físico, así como a redución de tóxicos como o alcol e o tabaco. E é que a nutrición pasou a ser unha ferramenta que se emprega non só para evitar as enfermidades por deficiencia senón como unha defensa contra os trastornos crónicos.