Como alimentarnos segundo a nosa idade / Adolescencia: 12 a 18 anos

A adolescencia comeza ao redor dos 12 anos nas mozas e os 14 anos nos mozos, e caracterízase polo crecemento acelerado en lonxitude (talla) e masa corporal (peso). Todos os cambios morfolóxicos e funcionais que teñen lugar durante a adolescencia están regulados por uns mecanismos en cuxo centro se atopa o sistema nervioso e o endocrino (mediado por hormonas).

Non se coñece aínda a totalidade dos sinais que pon en marcha estas transformacións, pero o feito máis destacado é o incremento da síntese ou produción e secreción de hormonas sexuais (testosterona nos homes e estrógenos e proxesterona nas mulleres) cuxos efectos se traducen en:

• Aumento da talla, moi diferente en ambos os sexos. Nas mozas é máis precoz, iniciándose case ao mesmo tempo que a aparición dos caracteres sexuais secundarios (peitos, vello na pube), entre os 10 e 13 anos. Nos mozos o inicio é máis tardío, entre os 12 e 15 anos, polo que nestes, o período de crecemento prepuberal adoita ser máis longo e por iso, os homes adoitan alcanzar unha talla superior á das mozas. O estirón da puberdade produce un incremento da estatura da orde duns 8 a 9 centímetros anuais durante uns dous anos.
• Incremento da cantidade de graxa que se acumula principalmente debaixo da pel (graxa subcutánea) A velocidade de almacenamento de graxa no tecido subcutáneo diminúe até alcanzar o seu mínimo que coincide co pico de crecemento máximo en altura.
• Incremento da masa muscular en ambos os sexos, aínda que o seu desenvolvemento é maior nos mozos. O crecemento máximo muscular alcánzase máis tarde que o crecemento máximo en altura.
• Aumento do volume de sangue dos mozos adolescentes, permanecendo practicamente constante nas mozas.
• Maduración sexual, comprende a aparición dos caracteres sexuais secundarios e o crecemento e o desenvolvemento das gónadas (testículos e ovarios) e xenitais internos e externos.
• Menarquia nas mozas. tidad determina a produción de estrógenos máis ou menos activos. As mulleres moi delgadas presentan unha maior proporción dunha forma de estrógenos relativamente inactiva. No entanto, na actualidade acéptase en xeral que o contido en graxa do corpo, aínda que é un factor crave, non é o determinante principal da aparición da menarquia. O exercicio intenso, como o atletismo, a ximnasia e o ballet, asócianse a un atraso da menarquia. Estímase que por cada ano de adestramento realizado antes da menarquia, a primeira regra atrásase cinco meses.