Como alimentarnos segundo o tipo de traballo / Traballos sedentarios

A distribución da comida en tomas ao longo do día depende das necesidades de cada persoa e do seu horario laboral.

A dieta debe incluír como mínimo tres comidas principais: almorzo, comida e cea. En certos casos, convén incluír ademais un xantar ou merenda, si transcorren máis de catro horas entre o almorzo e a comida ou a comida e a cea respectivamente. Isto evita que se produza hipoglucemia (descenso de glicosa no sangue), que repercuten negativamente sobre o rendemento e a capacidade de traballo, e así mesmo, evítase a sensación de ansiedade ou de “fame negra” á hora da comida ou da cea, que xeralmente conduce a comer máis do necesario.

A distribución da dieta en varias tomas inflúe positivamente sobre o nivel de glicosa e lípidos (colesterol, triglicéridos…) en sangue e mellora as dixestións.

• Almorzo completo: xa que pasaron máis de 8 horas sen tomar alimento, é recomendable inxerir un lácteo, cereais e complementos, e zume ou froita.
• Xantar axeitado: son frecuentes os xantares excesivamente graxos (embutidos, frituras…) acompañados de alcol, o que desequilibra a alimentación. Si o esforzo físico é mínimo pode ser suficiente cunha ou dúas pezas de froita fresca ou un lácteo. Polo xeral, pódese xantar unha peza de froita cun iogur desnatado, un café con leite e unha torrada ou unha barra de cereais e un iogur de froitas.
• Comida adaptada ao horario: Si a xornada laboral é fraccionada, é necesario seguir unha alimentación variada e ordenada (con moderado achegue de enerxía, graxas e alcol) para que o organismo poida soportar facilmente a dixestión, evitando a pesadez dixestiva e a somnolencia.
• Merenda lixeira: un suplemento en forma de iogur, froita ou un pequeno bocadillo.
• Cea ben planificada: a cea adoita ser a última comida do día, polo que se debe procurar consumir os alimentos da pirámide que non se inxeriron. Tamén se deben consumir alimentos fáciles de dixerir, como poden ser as verduras cocidas, peixes, sopas ou lácteos. Recoméndase cear polo menos dúas horas antes de deitarse, desta maneira conseguirase ter un soño reparador non perturbado por unha dixestión difícil.