Os alimentos e os seus compoñentes

A alimentación é moito máis que o feito para comer para saciar a fame ou comer para vivir, debe conseguir manter a saúde e previr enfermidades.

O feito de levar a cabo unha alimentación variada (incluíndo diversidade de alimentos) e equilibrada (en cantidade axeitada ás necesidades individuais), é, entre outros factores, unha das principais vías de promoción de saúde e calidade de vida. Por unha banda, cobre as necesidades biolóxicas básicas para que o corpo funcione cada día con total normalidade e por outro, serve como prevención e tratamento ante certas enfermidades e/ou alteracións orgánicas.

Ben alimentado non significa estar ben nutrido

Para estar ben nutrido é necesario achegar a través dos alimentos os nutrientes que o corpo necesita nunha proporción axeitada para desenvolver as súas funcións. Si non é así se producen desequilibrios con consecuencias non desexadas que alteran o noso estado de saúde.

O obxecto de todo isto é a conservación da vida, crecemento, reprodución, funcionamento normal dos órganos e produción de enerxía para desenvolver as funcións vitais e realizar actividade física.

Para a elección dos alimentos o individuo está condicionado por unha serie de factores: socioculturais, económicos, relixiosos, de hábitos ou costumes gastronómicos, persoais..., que van configurar os seus hábitos de alimentación. Estas influencias externas son susceptibles de ser modificadas a través dunha correcta educación.

Para usar ben os alimentos é preciso:

• Elixilos ben, de acordo co rombo dos alimentos;
• Combinalos correcta e equilibradamente;
• Distribuílos ben ao longo do día;
• Preparalos e cociñalos adecuadamente; e
• Gozalos con pracer no marco dun estilo de vida saudable.

O coñecemento dos alimentos que pode obter desta Guía, debe servir ante todo para que vostede, póidaos empregar adecuadamente a favor da súa saúde.

Os alimentos dunha época determinan as enfermidades doutra

Sábese que as enfermidades que se padecen na segunda metade da vida dependen en boa medida da alimentación que se seguiu durante a primeira, é dicir, na infancia, a adolescencia e a mocidade. Así, por exemplo:

• Enfermidades coronarias. A súa prevención comeza na infancia e a adolescencia cunha alimentación baixa en colesterol e graxa saturada, e rica en vitaminas, minerais e fibra.
• Diabetes. Demostrouse que quen abusan do consumo de alimentos doces e toman pouca fibra, presentan un maior risco de padecer diabetes.
• Obesidade. A maior parte dos nenos obesos o serán de adultos.
• Osteoporose. Prevense cunha axeitada inxesta de calcio na etapa de crecemento, especialmente durante a preadolescencia.