Lau urtetik hamaika urtera arte, bi aldi ezarri behar ditugu: eskolaurreko etapa, lau urtetik sei urtera bitartekoa, eta eskolakoa, sei urtetik hamaika urtera bitartekoa.

Eskolaurreko etapan, hazkunde-erritmoa bizitzako lehen urtean baino txikiagoa da. Funtsezkoa da nutrizio arloko heziketa egokia ematea, adin horiek baitira elikadura-ohitura osasungarriak hartzeko garai garrantzitsu baten hasiera.

Eskola-garaian, hazkuntza eta pisu-irabazia motelak dira, baina uniformeak. Nerabezaroaren ezaugarri diren garapenerako eta hazkunderako (pubertaroko luzatzea) prestakuntza-etapa bat da, ondoren etorriko dena. Garrantzitsua da elikadura-ohitura onak ikasten eta dieta orekatua egiten jarraitzea, bai etxean, bai eskolan.

Bi etapei dagokienez, eskola-adinean dauden haurrek adin txikikoek behar dituzten elikagai berak behar dituzte, baina kantitate handiagoan, beren energia- eta nutrizio-beharrak asetzeko.