Nola elikatu gure adinaren arabera / Nerabezaroa: 12-18 urte

Menua

Gosaria:

• Baso bat esne kakaoarekin edo azukrearekin edo kafeinagabearekin, gosaritako zerealak edo mueslia eta laranja-zuku naturala.

Hamaiketakoa:

• Urdaiazpiko onduaren ogitartekoa (tomate eta letxuga xerra batzuekin lagundu daiteke, mamitsuagoa egiteko) eta esne-irabiaki bat.

Bazkaria:

• Udaberriko espagetiak*
• Txahal-biribilkia saltsarekin (baratxuri, tipula eta azenarioarekin), txanpiñoi salteatuak eta alkatxofa arrautzaztatuak.
• Sasoiko fruta eta ogia.

Askaria:

• Jogurta eta gaileta errazak.

Afaria:

• Entsalada patata egosiekin.
• Lupia tomateekin labean.
• Sasoiko fruta eta ogia.

Errezeta: Udaberriko espagetiak

Osagaiak (4 lagunentzat):

240 gramo fetuccine

300 gramo tomate heldu.

200 gramo leka egosi

3 baratxuri-ale, tipulin-sorta bat, oliba-olioa eta gatza

Egiteko modua:

1. Egosi pasta al dente ur gazi ugaritan.
2. Bitartean, txikitu bi baratxuri ale eta sueztitu oliba-olio pixka batean. Gorritzen hasten direnean, gehitu tomateak, zurituta, haziak kenduta eta zati txikitan ebakita. Estali eta noizean behin txikitu tomatea egurrezko koilara batekin.
3. Frijitutakoan, gehitu gatza eta tipulin zatitua.
4. Beste zartagin batean, sueztitu baratxuri-ale bat eta lekak. Bero daudenean, tomate birrinduarekin eta tipulinarekin nahastu.
5. Berotu dena gehiegi egosten utzi gabe.
6. Bota nahasketa pasta egosi eta xukatuaren gainera, eta zerbitzatu.