Nutrizioaren ikuspegitik, bizitzako lehen urtea kritikoa da, hazkuntza eta garapena bizi-zikloko azkarrenak baitira eta haurtxoa inoiz baino heldugabeagoa eta zaurgarriagoa baita. Ez da ahaztu behar haurrek jaiotzaren pisua bikoiztu egin behar dutela lau hilabetera eta hirukoiztu egin behar dutela urtean. Horregatik, bereziki garrantzitsua da elikadura nahikoa eta egokia ziurtatzea, hiru helburu hauekin: bere elikadura-beharrak asetzea, hainbat egoera patologiko prebenitzea eta/edo tratatzea eta elikadura-ohitura egokiak sortzea.