Nola elikatu lan motaren arabera / Etxetik kanpo jatea eskatzen duten lanak

• Gosaria: Baso bat esne kafearekin edo kafeinagabea, ogi txigortua eta laranja-zuku naturala edo fruta fresko pieza bat.
• Hamaiketakoa: Jogurt gaingabetua eta fruta, eta lan fisiko handia eginez gero, urdaiazpiko edo gazta leun edo fianbrea, atun edo sardina ogitarteko bat, etab.
• Bazkaria:
  • Letxuga, tomate, azenario eta tipula entsalada.
  • Arroza oilaskoarekin.
  • Sasoiko fruta eta ogia.
• Afaria:
  • Kardua ilarrekin eta urdaiazpikoarekin**
  • Urraburua labean baratxuri frijituekin eta pipermin pixka batekin.
  • Sasoiko fruta eta ogia.

KARDUA ILARREKIN ETA URDAIAZPIKOAREKIN

Osagaiak (4 lagunentzat):

600 gramo kardu garbi

150 gramo ilar (gordinik)

100 gramo urdaiazpiko ondu

Baratxuri-ale bat

Limoi-erdi baten zukua

Olioa, piperbeltz ehoa (hautazkoa) eta gatza

Egiteko modua:

1. Karduak oso ondo garbitu ur hotzetan eta 2 cm inguruko lodierako zati erregularretan moztu.
2. Garbitu ahala, takoak urez eta limoiz betetako ontzi batean jartzen ditugu (herdoildu eta ilundu ez daitezen).
3. Karduak su motelean egosten ditugu, ondo egin daitezen, gatzez irakiten dagoen ur ugaritan (kardua botako dugu ura irakiten dagoenean).
4. Kardua xukatu eta salda gorde.
5. Oliotan frijitu baratxuri xerratua, urdaiazpiko puska batzuk eta gehitu irin pixka bat eta kardua egosteko gorde dugun saldaren zati bat, veloute izeneko krema sortu arte.
6. Bota saltsa hori karduaren gainetik kazola batean.
7. Ilarrekin nahastu eta dena batera prestatzen utziko dugu 5 minutuz.